“பதிலடி முதல் வாவ் வரை…”- அரசியல் தலைவர்களின் வித்தியாசமான Pongal வாழ்த்துகளின் தொகுப்பு!!

Pongal Celebration: பொங்கலுக்குப் பல்வேறு அரசியல் கட்சித் தலைவர்களும் தங்களது பாணியில் வாழ்த்துகளைத் தெரிவித்திருக்கிறார்கள். 

Pongal Celebration: தமிழர் திருநாளான பொங்கல் பண்டிகை இன்று உலகம் முழுவதும் இருக்கும் தமிழர்களால் கொண்டாடப்பட்டு வருகிறது. தமிழர்களின் மிக முக்கியமான பண்டிகையான பொங்கலை, போகிப் பொங்கல், பெரும் பொங்கல், மாட்டுப் பொங்கல், காணும் பொங்கல் என்று நான்கு நாட்கள் கொண்டாடுகின்றனர் தமிழர்கள். ஜல்லிக்கட்டு முதலிய வீர விளையாட்டுகள், அனைவரும் ஒன்று கூடி பொங்கல் வைத்து மகிழ்ச்சியடைவது உள்ளிட்டவைகளால் தமிழகமே ‘பொங்கல் களைகட்டியுள்ளது'. பொங்கலுக்குப் பல்வேறு அரசியல் கட்சித் தலைவர்களும் தங்களது பாணியில் வாழ்த்துகளைத் தெரிவித்திருக்கிறார்கள். 

தமிழக முதல்வர் எடப்பாடி பழனிசாமி, திமுக தலைவர் மு.க.ஸ்டாலின் உள்ளிட்டோர் வீடியோ மூலம் மக்களுக்குப் பொங்கல் வாழ்த்து தெரிவித்துள்ளனர். உதயநிதி ஸ்டாலின், ரஜினியின் ‘துக்ளக்' பேச்சுக்கு பதிலடி கொடுக்கும் வகையில் வாழ்த்துகளைப் பதிவு செய்துள்ளார். பாமகவின் அன்புமணி ராமதாஸ், பொங்கலைக் கொண்டாடி வித்தியாசமான முறையில் வீடியோ பகிர்ந்துள்ளார். இப்படி அரசியல் தலைவர்களின் பொங்கல் வாழ்த்துகளின் தொகுப்பு இதோ:

Greetings on Pongal! pic.twitter.com/gqDW7HIZ8Y

— Narendra Modi (@narendramodi) January 15, 2020

உலகெங்கும் வாழும் தமிழ் மக்கள் அனைவருக்கும் இனிய "தை பொங்கல் மற்றும் தமிழர் திருநாள்" நல்வாழ்த்துகள்!! #HappyPongalpic.twitter.com/EkZR5KrYMq

— Edappadi K Palaniswami (@CMOTamilNadu) January 14, 2020

சாதி, மத பேதமற்று நாம் அனைவரும் ஓரினம் - தமிழினம் என்ற உணர்வைப் பெறும் வகையில் சமத்துவப் பொங்கலைச் சமைப்போம். #Pongal2020

இயற்கையோடு இயைந்த பொங்கலைப் போற்றி, புத்துணர்வு பெறுவோம். அனைவருக்கும் #தமிழ்ப்புத்தாண்டு வாழ்த்துகள்! https://t.co/LdLTU93EeX

— M.K.Stalin (@mkstalin) January 14, 2020

நடந்தது நடந்தவையாக இருக்கட்டும்,இனி நடப்பது மக்கள் வாழ்வில் நல்லவையாக இருக்கட்டும். இந்த பொங்கல் திருநாளை பெற்றோர்,குழந்தைகள்,உற்றார், உறவினர்கள்,நண்பர்களுடன் சேர்ந்து உறவாடி மகிழ்ந்து கொண்டாடவேண்டும் என தேமுதிக சார்பில் எனது இனிய பொங்கல் வாழ்த்துக்களை தெரிவித்துக்கொள்கிறேன்(3-3) pic.twitter.com/BcbhMrqbNH

— Vijayakant (@iVijayakant) January 14, 2020

முதல்வர்னா முத்தமிழறிஞர், தலைவன்னா புரட்சித் தலைவன், தைரியலெட்சுமினா அம்மா-கால்நூற்றாண்டாக கால்பிடித்து காலம்கடத்தி ‘தலைசுத்திருச்சு' என நிற்கும் காரியக்காரருக்கு மத்தியில், முரசொலியை கையிலேந்தி, பகுத்தறியும் சுயமரியாதைக்காரனே திமுகக்காரன். நான் திமுகக்காரன். பொங்கல் வாழ்த்துகள்

— Udhay (@Udhaystalin) January 14, 2020

உலகில் வாழும் அனைத்து தமிழர்களுக்கும் என்னுடைய இனிய #பொங்கல் புத்தாண்டு நல்வாழ்த்துகள்!!! pic.twitter.com/zAmtXUq2eC

— Dr ANBUMANI RAMADOSS (@draramadoss) January 15, 2020