மே.7 முதல் டேபிள் டாப் ரன்வேயில் 100 விமானங்கள் தரையிறங்கியுள்ளது: மத்திய அமைச்சர்

Air India Express plane crash: ஓடுபாதையின் நிலை குறித்த முந்தைய அறிக்கைகளுக்கும், நேற்றைய சம்பவத்துக்கும் எந்த தொடர்பும் இல்லை என்று நேற்றே சிவில் விமானப் போக்குவரத்து அமைச்சர் தெளிவுபடுத்தியுள்ளார்.

Kerala plane crash: மே.7 முதல் டேபிள் டாப் ரன்வேயில் 100 விமானங்கள் தரையிறங்கியுள்ளது: மத்திய அமைச்சர்

Kozhikode:

கேரளாவின் கோழிக்கோடு டேபிள் டாப் விமான நிலையத்தின் ஓடுபாதை குறித்த சர்ச்சைகளுக்கு மத்திய அமைச்சர் முரளிதரன் முற்றுப்புள்ள வைத்துள்ளார். 

இதுதொடர்பாக என்டிடிவிக்கு அவர் அளித்த பேட்டியில், கொரோனா வைரஸ் தொற்றுநோய்க்கு மத்தியில் வெளிநாடுகளில் சிக்கித் தவிக்கும் இந்தியர்களை தாயகம் அழைத்து வரும் வந்தே பாரத் மிஷன் திட்டத்தின் கீழ் மே.7ம் தேதி முதல் இதுவரை 100 விமானங்கள் கோழிக்கோடு விமான நிலையத்தில் தரையிறங்கியுள்ளதாக தெரிவித்துள்ளார்.

பலத்த மழை பெய்ததாகவும், முதலில் தரையிறங்கும் முயற்சி தோல்வியுற்றதாகவும் விமான நிலைய அதிகாரிகளால் எனக்குத் தெரிவிக்கப்பட்டது. தொடர்ந்து, இரண்டாவது முயற்சியாக அது தரையிறங்கியபோது விமானம் இடதுபுறம் சறுக்கி சென்றுள்ளது. அப்போது பக்கவாட்டில் மோதி இரண்டு துண்டுகளாக உடைந்துள்ளது.

ஓடுபாதையின் நிலை குறித்த முந்தைய அறிக்கைகளுக்கும், நேற்றைய சம்பவத்துக்கும் எந்த தொடர்பும் இல்லை என்று நேற்றே சிவில் விமானப் போக்குவரத்து அமைச்சர் தெளிவுபடுத்தியுள்ளார். எங்களிடம் நாட்டில் இரண்டு டேபிள் டாப் விமான நிலையங்கள் உள்ளன. 

Newsbeep

ஆனால் அந்த விமான நிலையங்கள் தொடர தகுதியானதா என்பது ஒரு பெரிய கேள்வி. மே.7 ஆம் தேதி முதல், வந்தே பாரத் மிஷனின் கீழ் நூற்றுக்கும் மேற்பட்ட விமானங்கள் கோழிக்கோட்டில் தரையிறங்கியுள்ளன என்பதை நான் உங்களுக்கு நினைவூட்ட விரும்புகிறேன். எனவே டேபிள் டாப் ஓடுதளம் காரணம் என கூற முடியாது "என்று அவர் கூறியுள்ளார். 

துபாயில் இருந்து இந்தியா வந்த ஏர் இந்தியா எக்ஸ்பிரஸ் விமானம் நேற்றிரவு 7.41 மணிக்கு கோழிக்கோடு விமான நிலையத்தில் தரையிறங்கும்பொழுது விபத்தில் சிக்கியது. இதில் விமானம் இரண்டாக உடைந்தது. இந்த விபத்தில் இரண்டு விமானிகள் உட்பட 18 பேர் உயிரிழந்துள்ளனர். மேலும், 127 பேர் காயமடைந்துள்ளனர். 

கருப்பு பெட்டி (DFDR) மற்றும் உரையாடலை பதிவு செய்த காக்பிட் கருவியும் (CVR) - ஒரு விமானத்தின் செயல்திறன், வேகம், பிரேக்கிங் மற்றும் கணினி நிலை பற்றிய தகவல்கள் மற்றும் இடையிலான உரையாடல்களின் பதிவுகள் உள்ளிட்ட நூற்றுக்கணக்கான தரவுகளை இவை சேமித்து வைக்கிறது. விமானிகள். IX-1344 விமானத்திற்கு என்ன நடந்தது என்பதைப் புரிந்து கொள்ள விமானப் புலனாய்வாளர்களுக்கு உதவுவதில் இவை முக்கியமானவை ஆகும்.