This Article is From Sep 16, 2020

தமிழகத்தில் மேலும் 5,697 பேருக்கு கொரோனா, சென்னையில் சிகிச்சை பெறுபவர்களின் எண்ணிக்கை குறைந்தது!

சென்னையைப் பொறுத்தவரையில் இன்று 989 பேருக்கு கொரோனா உறுதி செய்யப்பட்டுள்ளது.

தமிழகத்தில் மேலும் 5,697 பேருக்கு கொரோனா, சென்னையில் சிகிச்சை பெறுபவர்களின் எண்ணிக்கை குறைந்தது!

தமிழகத்தில் கடந்த 24 மணி நேரத்தில் 5,697 பேருக்கு கொரோனா தொற்று உறுதிசெய்யப்பட்டுள்ளது. ஒரே நாளில் 68 பேர் கொரேனாவால் உயிரிழந்துள்ளனர்.

தமிழகத்தில் கொரோனா பாதித்தவர்களின் விவரங்களை சுகாதாரத்துறை வெளியிட்டுள்ளது. அதன்படி, இன்று 78,711 பேருக்கு பரிசோதனை செய்யப்பட்டதில் 5,697 பேர் கொரோனாவால் பாதிக்கப்பட்டுள்ளனர். இதனால் பாதிக்கப்பட்டவர்களின் மொத்த எண்ணிக்கை 5,14,208 ஆக உயர்ந்துள்ளது. கடந்த 24 மணி நேரத்தில் 68 பேர் கொரோனாவால் உயிரிழந்துள்ளனர். இதனால் தமிழகத்தில் உயிரிழப்புகளின் எண்ணிக்கை 8,502 ஆக அதிகரித்துள்ளது.

இன்று 5,735 பேர் கொரோனாவில் இருந்து மீண்டுள்ளனர். இதனால், தமிழகத்தில் குணமடைந்தவர்களின் எண்ணிக்கை 4,58,900 ஆக அதிகரித்துள்ளது. மொத்தம் 46,806பேர் சிகிச்சை பெற்று வருகின்றனர்.

சென்னையைப் பொறுத்தவரையில்  இன்று 989 பேருக்கு கொரோனா உறுதி செய்யப்பட்டுள்ளது. இதனால் சென்னையில் கொரோனா தொற்றால் பாதிக்கப்பட்டோரின் எண்ணிக்கை 1,50,572 ஆக அதிகரித்துள்ளது.

சென்னையில் 9883 பேர சிகிச்சை பெற்று வருகின்றனர். 12 பேர் கொரோனாவால் உயிரிழந்துள்ளனர்.  இதனால் சென்னையில் கொரோனாவால் உயிரிழந்தவர்களின் எண்ணிக்கை 3,004 ஆக அதிகரித்துள்ளது. இன்று மட்டும் 1,530 பேர் கொரோனாவில் இருந்து மீண்டுள்ளனர்.

.