'டெல்லியின் நிலைமை புதுச்சேரிக்கு பொருந்தாது!' - உச்ச நீதிமன்றம் திட்டவட்டம்

புது டெல்லியில் அரசுக்கே அதிகாரம் இருக்கிறது, ஆளுநருக்கு உச்சபட்ச அதிகாரம் கிடையாது என்று நேற்று வரலாற்றுச் சிறப்புமிக்க தீர்ப்பை வெளியிட்டது

 Share
EMAIL
PRINT
COMMENTS
'டெல்லியின் நிலைமை புதுச்சேரிக்கு பொருந்தாது!' - உச்ச நீதிமன்றம் திட்டவட்டம்
New Delhi: 

ஹைலைட்ஸ்

  1. உச்ச நீதிமன்ற 5 பேர் அமர்வு இந்த தீர்ப்பை வழங்கியது
  2. புதுச்சேரிக்கும் டெல்லியின் நிலை பொருந்தும், நாராயணசாமி
  3. புதுச்சேரியும் டெல்லியும் வேறு வேறானவை, உச்ச நீதிமன்றம்

புது டெல்லியில் தேர்ந்தெடுக்கப்பட்ட அரசுக்கே அதிகாரம் இருக்கிறது, ஆளுநருக்கு உச்சபட்ச அதிகாரம் கிடையாது என்று நேற்று வரலாற்றுச் சிறப்புமிக்க தீர்ப்பை வெளியிட்டது. இந்த நிலைமை மற்றொரு யூனியன் பிரதேசமான புதுச்சேரிக்கும் பொருந்துமா என்பது குறித்தும் உச்ச நீதிமன்றம் தெரிவித்துள்ளது.

டெல்லியின் துணை நிலை ஆளுநருக்கு, அரசு விவகாரங்களில் தன்னிப்பட்ட முடிவெடுக்கம் அதிகாரம் இல்லை என்று உச்ச நீதிமன்றம் நேற்று தீர்ப்பு வழங்கியது. உண்மையான அதிகாரம் மக்களால் தேர்ந்தெடுக்கப்பட்ட அரசுக்கு மட்டுமே இருப்பதாக நெத்தியடி தீர்ப்பை தந்துள்ளது, 5 பேர் கொண்ட உச்ச நீதிமன்ற அமர்வு.

இந்த தீர்ப்பு, துணை நிலை ஆளுநருடன் முட்டி மோதிக் கொண்டிருந்த ஆம் ஆத்மி அரசுக்கு பெரிய வெற்றியை தந்துள்ளது. மாநில அரசு முடிவெடுக்க முழு சுதந்திரம் கொடுக்கப்பட வேண்டும் என்றும், துணை நிலை ஆளுநர் அதற்கு தடையாக இருக்கக் கூடாது என்றும் தலைமை நீதிபதி தீபக் மிஸ்ரா உள்ளிட்ட 5 நீதிபதிகள் அமர்வு கூறியுள்ளது.

இந்த அதிகார மோதல் 2015-ம் ஆண்டு டெல்லி மாநில ஆட்சிப் பொருப்பை ஆம் ஆத்மி ஏற்றுக் கொண்டதில் இருந்து தொடர்ந்து வருகிறது. மத்திய பா.ஜ.க அரசு, ஊழல் தடுப்பு துறையை டெல்லி அரசிடம் இருந்து பறித்தபோது முதல் பிரச்சனை தொடங்கியது. மேலும், மாநில அரசு எடுக்கும் முடிவுகளுக்கு, துணை நிலை ஆளுநரின் அனுமதி கட்டாயம் வாங்க வேண்டும் என்ற சட்டத்தையும் மத்திய அரசு கொண்டு வந்ததால், பிரச்சனை தீவிரமடைந்தது.

புதுச்சேரிக்கும் டெல்லியின் நிலைமை பொருந்துமா என்பது குறித்து உச்ச நீதிமன்றம், ‘டெல்லிக்கு அரசு சட்ட சாசனம் 239 AA பிரிவின் கீழ் அதிகாரம் வழங்கியுள்ளது. ஆனால், புதுச்சேரிக்கோ 239 A பிரிவின் கீழ் மட்டுமே அதிகாரத்தை வழங்கியுள்ளது. இதை வைத்துப் பார்த்தால், டெல்லியில் தேர்ந்தெடுக்கப்பட்ட அரசுக்குத்தான் பெரும்பான்மை அதிகாரம் இருக்கும். ஆனால், புதுச்சேரிக்கோ மக்களால் தேர்நெடுக்கப்பட்ட பிரதிநிதிகளோ அல்லது நியிமிக்கப்பட்ட சட்டமன்ற உறுப்பினர்களோ ஆட்சி நடத்த முடியும். அங்கு ஆளுநருக்கு அதிக அதிகாரம் உள்ளது’ என்று கூறியுள்ளது.

புது டெல்லி குறித்த தீர்ப்பு வந்ததையடுத்து, ‘உச்ச நீதிமன்றத்தின் தீர்ப்பை நான் வரவேற்கிறேன். இந்த தீர்ப்பு, புதுச்சேரி போன்ற யூனியன் பிரதேசங்களுக்கும் பொருந்தும்’ என இதுப்பற்றி கூறியிருக்கிறார் முதல்வர் நாராயணசாமி. மேலும், தீர்ப்பை ஏற்று புதுச்சேரி துணை நிலை ஆளுநர் செயல்படா விட்டால், அவர் மீது வழக்கு தொடர போவதாகவும் தெரிவித்திருக்கிறார். அதனால் உச்ச நீதிமன்றத்தின் தீர்ப்பை மதித்து புதுச்சேரி துணை நிலை ஆளுநர் கிரண் பேடி நடந்து கொள்ள வேண்டும் எனவும் கேட்டுக் கொண்டார்.

இந்நிலையில், உச்ச நீதிமன்றத்தின் வழிகாட்டுதல் முதல்வர் நாராயணசாமியின் கருத்துக்கு எதிராக உள்ளது.



லோக்சபா தேர்தல் 2019 – யின் சமீபத்திய தேர்தல் செய்திகள், லைவ் அப்டேட்ஸ் மற்றும் தேர்தல் அட்டவணையை ndtv.com/tamil/elections –யில் பெறுங்கள். 2019 பொது தேர்தலின் 543 தொகுதிகள் அப்டேட்களை பெற Facebook மற்றும் Twitter பின் தொடருங்கள்.

NDTV Beeps - your daily newsletter

................................ Advertisement ................................

................................ Advertisement ................................

................................ Advertisement ................................