விரைவில் வருவேன். என்ன பேசுவேன்னு அங்க வந்து கேட்கச் சொல்லுங்க- விஜயகாந்த்
தேசிய முற்போக்கு திராவிட கழகத் தலைவர் விஜயகாந்த், உடல்நிலை சரியில்லாத காரணத்தால் தீவிர அரசியலில் இருந்து விலகி ஓய்வெடுத்து வருகிறார். அவர் விரைவில் எதிர்வரும் நாடாளுமன்றத் தேர்தலுக்காக தேமுதிக-வுக்கு ஆதரவாக பிரசாரம் செய்வார் என்று கூறப்பட்டு வருகிறது. இந்நிலையில், முதன் முறையாக தற்போதைய அரசியல் சூழல் குறித்து விஜயகாந்த் பேசியுள்ளார்.
பேட்டியிலிருந்து,
கேள்வி: எப்படி இருக்கீங்க கேப்டன்?
பதில்: நல்லா இருக்கேன் சார்.
கே: உடல்நிலை எப்படி இருக்கு கேப்டன்?
ப: உடல்நிலை நல்லாவே இருக்கு.
கே: அமெரிக்கா போய்ட்டு வந்த அப்புறம் எந்தளவுக்கு தேறி இருக்கீங்க?
ப: நல்லா இருக்கேன்.
கே: எப்போது தேர்தல் பிரசாரத்துக்கு வந்து பேசுவீங்க. என்ன பேசுவீங்க?
ப: விரைவில் வருவேன். என்ன பேசுவேன்னு அங்க வந்து கேட்கச் சொல்லுங்க.
கே: அப்ப தொடர்ச்சியா பிரசாரம் பண்ணுவீங்களா?
ப: இல்லை, அதை டாக்டர் கிட்ட கேட்டுதானே சொல்ல முடியும்.
கே: அதிமுக - தேமுதி கூட்டணி எப்படி இருக்கு கேப்டன்?
ப: அண்ணா திமுக கூட்டணி ஜெயிக்கும். திமுக கூட்டணி தோற்கும்.
கே: ஏன் திமுக கூட்டணி தோற்கும்னு சொல்றீங்க?
ப: திமுக தில்லு முல்லு கட்சி.
கே: திமுக கூட்டணிக்கும் அதிமுக கூட்டணிக்கும் இடையிலான போட்டி எப்படி இருக்கு கேப்டன்?
ப: தர்மத்திற்கும் அதர்மத்திற்கும் நடக்கின்ற போட்டி அது.
கே: அதில் நிச்சயமா அதிமுக- தேமுதிக கூட்டணி வெற்றி பெறுமா?
ப: தர்மம் தான் ஜெயிக்கும்.
கே: பிரதமர் மோடியைப் பற்றி என்ன நினைக்கிறீங்க?
ப: பிரதமர் மோடி நல்லவர். மீண்டும் அவர் ஆட்சிக்கு வர வேண்டும்.
கே: தேமுதிக தொண்டர்களுக்கு என்ன சொல்ல விரும்புறீங்க?
ப: நல்லா உழைக்க வேண்டும். 40-ம் ஜெயிக்க வேண்டும்.
இந்த சிறப்புப் பேட்டி, விஜயகாந்தின் ட்விட்டர் பக்கத்தில் பகிரப்பட்டிருந்தது. பேட்டியின்போது விஜயகாந்த், தொடர்ந்து பேசுவதற்கு சிரமப்பட்டார். காணொளியில் நிறைய எடிட்டிங் செய்யப்பட்டிருந்தது.