ஆன்மிகத் தலைவர் பைய்யூ மஹாராஜ் தற்கொலை

New Delhi: புதுடில்லி: புகழ்பெற்ற ஆன்மீக தலைவர் பைய்யூ மஹாராஜ், செவ்வாய்கிழமை அன்று தன்னைத் தானே சுட்டுக்கொண்டு தற்கொலை செய்து கொண்டார். பைய்யூ மஹாராஜ் என்கிற உதய் சிங் தேஷ்முக், மன அழுத்தம் காரணமாக இந்தூரில் உள்ள அவரது ஆசிரமத்தில் தற்கொலை செய்து கொண்டார் என தகவல் வெளியாகியுள்ளது.

50 வயதான அவர் தற்கொலைக்கு முன் எழுதிய கடிதத்தில் அவர் மன சோர்வுடன் இருந்ததாக குறிப்பிட்டுள்ளதாக காவல் துறையினர் தெரிவித்துள்ளனர். இந்தோரில் உள்ள பாம்பே மருத்துவமனையில் பைய்யூ மஹாராஜின் இறப்பு உறுதி செய்யப்பட்டது.

“மருத்துவமனைக்கு தீவிரமான நிலையில் பைய்யூ மஹாராஜ் கொண்டுவரப்பட்டார். விசாரணையில், அவர் சுட்டுக்கொண்ட விவரங்கள் தெரியவந்தன” என காவல் துறை அதிகாரி ஜெயந்த் ரத்தோர் கூறினார்.

மத்திய பிரதேச மாநிலத்தின் முதலமைச்சர் சிவராஜ் சிங் சவுஹான், மஹாராஜின் இறப்பிற்கு தனது இரங்கலை பதிவிட்டார். இந்த ஆண்டு தொடக்கத்தில், பைய்யூ மஹாராஜ் உள்ளிட்டு ஐந்து ஆன்மீக குருக்களை அமைச்சர் பதவியில் நியமித்தார். ஆனால், அதை மஹாராஜ் மறுத்தார்.