கடந்த ஜூன் மாதம் பிரதமர் மோடி தலைமையில், “ஒரு தேசம், ஒரு தேர்தல்” என்கிற திட்டம் குறித்து விவாதிக்க அனைத்துக் கட்சிக் கூட்டம் கூட்டப்பட்டிருந்தது. அதில் மம்தா, பங்கேற்கவில்லை
பிரதமர் நரேந்திர மோடி, இன்று தனது 69வது பிறந்தநாளைக் கொண்டாடுகிறார். இதையொட்டி மேற்கு வங்க முதல்வர் மம்தா பானர்ஜி, அவருக்கு வாழ்த்து தெரிவித்துள்ளார்.
“பிரதமர் நரேந்திர மோடிஜிக்கு பிறந்தநாள் வாழ்த்துகள்” என்று தனது ட்விட்டர் பக்கத்தில் பதிவிட்டுள்ளார் மம்தா. வங்க மொழியிலும் பிரதமருக்கு அவர் வாழ்த்து தெரிவித்திருந்தார்.
நாளை பிரதமர் மோடியை நேரில் சந்திக்க உள்ளார் மம்தா. இன்று மாலை டெல்லிக்கு வருகிறார் மம்தா பானர்ஜி.லோக்சபா தேர்தல் முடிவடைந்ததைத் தொடர்ந்து மம்தா பானர்ஜி, மோடியை இப்போதுதான் முதன்முறையாக நேரில் சந்திக்க உள்ளார். மேற்கு வங்க மாநிலப் பிரச்னைகள் குறித்து இருவரும் பேசுவார்கள் என்று எதிர்பார்க்கப்படுகிறது.
கடந்த ஜூன் மாதம் பிரதமர் மோடி தலைமையில், “ஒரு தேசம், ஒரு தேர்தல்” என்கிற திட்டம் குறித்து விவாதிக்க அனைத்துக் கட்சிக் கூட்டம் கூட்டப்பட்டிருந்தது. அதில் மம்தா, பங்கேற்கவில்லை. அந்த விவகாரத்தைப் பொறுத்தவரை ஒரு நாளில் பேசி முடிவெடுக்க முடியாது என்று தெரிவித்தார் மம்தா.