உங்கள் எம்பி விவரம் 2019

தேர்தல் முடிவுகள் 2019: 17வது மக்களவைக்கு தேர்ந்தெடுக்கப்பட்ட 542 எம்.பி களை அறிக

 
மக்களவை தேர்தலில் பதிவான வாக்குகள் இன்று எண்ணப்படுகின்றன. உலகின் மிகப்பெரும் ஜனநாயக நாடான இந்தியாவில் 90 கோடி பேர் வாக்களிக்க தகுதி பெற்றவர்கள். இது கடந்த 2014 தேர்தலை விட 9 கோடி அதிகமாகும். அனைத்து கட்டங்களிலும் அதிக வாக்குகள் பதிவாகியுள்ளன. முதல் கட்டமாக ஏப்ரல் 11-ம்தேதி நடந்த தேர்தலில் 69.43 சதவீத வாக்குகள் பதிவாகின. அடுத்தாக 2-ம் கட்டமாக ஏப்ரல் 18-ம்தேதி தேர்தல் நடந்தது. இதில் 60 சதவீத வாக்குகளும், 3-ம் கட்டமாக ஏப்ரல் 23-ல் நடந்த தேர்தலில் 60 சதவீத வாக்குகளும் பதிவாகின. 4-ம் கட்ட தேர்தலில் (ஏப்ரல் 29) 64 சதவீதமும், 5-ம் கட்ட தேர்தலில் (மே 6) 57.33 சதவீதமும், 6-ம் கட்ட தேர்தலில் 63.3, கடைசி கட்ட தேர்தலில் 62.87 சதவீதமும் பதிவாகின. தேர்தலுக்கு பிந்தைய கருத்துக்கணிப்புகளில் பெரும்பான்மை பாஜக ஆட்சியை பிடிக்கும் என்றே சொல்கின்றன. எதிர்க்கட்சிகளை வாக்கு எண்ணிக்கை மீது நம்பிக்கை வைத்துள்ளன. 2014 மக்களவை தேர்தலில் பாஜக 543-க்கு 282 தொகுதிகளில் வெற்றி பெற்று தனிப்பெரும்பான்மை கட்சியாக ஆட்சியமைத்தது. இந்த முறை பாஜக கூடுதல் இடங்களை கைப்பற்றும் என கருத்துக் கணிப்பு முடிவுகள் தெரிவிக்கின்றன. 300-க்கும் அதிகமான இடங்களை பாஜக கைப்பற்றும் என்று கூறப்படுகிறது. கடந்த தேர்தலை விட காங்கிரஸ் அதிக இடங்களில் வெல்லும். ஆனால் ஆட்சியமைக்காது என்கிறது கருத்துக் கணிப்பு. உத்தரபிரதேசத்தில் சமாஜ்வாதி – பகுஜன் சமாஜ் கட்சி 29 இடங்களிலும், பாஜக 49 இடங்களிலும் வெற்றி பெறலாம் என கணிக்கப்பட்டுள்ளது. வாக்கு எண்ணிக்கை முழுமை பெற்றதும் வெற்றி பெற்றவர்களின் பட்டியல் வெளியிடப்படும். எம்.பி.க்களின் பட்டியலும் அப்டேட் செய்யப்படும்.
................... Advertisement ...................
................... Advertisement ...................