Profit

அதிக வட்டி தரும் கார்ப்பரேட் எஃப்டி பற்றி உங்களுக்கு தெரியுமா?

வங்கி நிரந்தர வைப்பு மற்றும் கார்ப்பரேட் நிரந்தர வைப்பு என இரண்டு வகையான நிரந்தர வைப்பு திட்டங்கள் உள்ளன

 Share
EMAIL
PRINT
COMMENTS
அதிக வட்டி தரும் கார்ப்பரேட் எஃப்டி பற்றி உங்களுக்கு தெரியுமா?
குறிப்பிட்ட ஒரு காலத்துக்கு மூதலீடு செய்யும் பணத்திற்கு கவர்ச்சிகரமான வட்டி விகிதங்கள் அளிக்கும் சேமிப்பு திட்டமே நிரந்தர வைப்புகள். இவை வங்கிகள் மற்றும் நிதி நிறுவனங்களால் வழங்கப்படுகின்றன. வங்கி நிரந்தர வைப்பு மற்றும் கார்ப்பரேட் நிரந்தர வைப்பு என இரண்டு வகையான நிரந்தர வைப்பு திட்டங்கள் உள்ளன. ஆனால் மக்களுக்கு பெரும்பாலும் வங்கி நிரந்தர வைப்பு பற்றி மட்டும் தான் அதிகம் தெரிந்திருக்கும். அதுமட்டுமில்லாமல் வங்கி நிரந்தர வைப்புகளை இந்த காலத்தில் ஒரு நொடிப்பொழுதில் தொடங்கிவிடலாம். கார்ப்பரேட் நிரந்தர வைப்பு என்றால் என்ன? அது பற்றி தெரிந்து கொள்வோம்.

கீழே வங்கி நிரந்தர வைப்பு மற்றும் கார்ப்பரேட் நிரந்தர வைப்பு பற்றிய ஒப்பீடு கொடுக்கப்பட்டுள்ளது.

வங்கி மற்றும் கார்ப்பரேட் நிரந்திர வைப்பு என்றால் என்ன?

வங்கி நிரந்தர வைப்பு வங்கிகளால் வழங்கப்படுகிறது, வழக்கமாக வங்கி நிரந்தர வைப்பு கணக்குகளுக்கு வழங்கப்படும் வட்டி விகிதம் சேவிங்ஸ் வங்கி கணக்குகளுக்கு வழங்கப்படுவதை விட அதிகம்.

கார்ப்பரேட் நிரந்தர வைப்பு நிதி, நிறுவனங்களால் வழங்கப்படுகிறது. நிறுவனங்கள் அவரசமாக நிதி திரட்ட வேண்டும் என்றால் கவர்ச்சிகரமான வட்டி விகிதங்களில் நிரந்தர வைப்பு வழங்குகின்றன. முதலீட்டாளர்களுக்கு வெவ்வேறு கால அளவிற்கு குறிப்பிட்ட வட்டி விகிதத்தோடு வைப்பு சான்றிதழ்கள் வழங்கப்படுகின்றன.

வங்கி நிரந்தர வைப்பு, கார்ப்பரேட் நிரந்தர வைப்புக்கு வழங்கப்படும் வட்டி விகிதங்கள்:

ஸ்டேட் பாங்க் ஆஃப் இந்தியா, ஹெச்.டி.எஃப்.சி வங்கி, ஐசிஐசிஐ வங்கி, ஆக்ஸிஸ் வங்கி, பஞ்சாப் நேஷனல் வங்கி ஆகியன 7% வரை வட்டி விகிதங்களை அளிக்கின்றன. சிறு நிதி வங்கிகளான ஃபின்கேர், ஏ.யு, உஜ்ஜிவான் மற்றும் ஈக்விட்டாஸ் போன்ற வங்கிகள் 9% வரை வட்டி விகிதங்கள் வழங்கப்படுகின்றது. மூத்த குடிமக்களின் நிரந்தர வைப்பு மீது வழங்கப்படும் வட்டி விகிதம், 60 வயதிற்கு குறைவாக உள்ளவர்களுக்கு வழங்கப்படுவதை விட அதிகம். வட்டி விகிதம் கால அளவை பொறுத்து மாறும்.

அதிக ரேட்டிங் உள்ள கம்பெனிகள் 1 முதல் 5 ஆண்டு வரையிலான காலங்களில் உள்ள கார்ப்பரேட் நிரந்தர வைப்புகளுக்கு வெவ்வேறு வட்டி விகிதங்கள் வழங்குகின்றன, இந்த வட்டி விகிதங்கள் 9.25% முதல் 10.75% வரை கால அளவுகளைப் பொறுத்து இருக்கும். குறைந்த ரேட்டிங் உள்ள நிறுவனங்கள் அதிக ரேட்டிங் உள்ள நிறுவனங்களை விட அதிக வட்டி விகிதம் வழங்கும்.

எனினும் வல்லுனர்கள், 15% வரை ஓர் ஆண்டிற்கு வட்டி விகிதம் வழங்கும் நிறுவனங்களை தவிர்த்து விட வேண்டும் என்கின்றனர். “நிறைய புதிய, நிலையற்ற நிறுவனங்கள் 12% வரை வட்டி வழங்குகின்றன. இவை கவனத்துடன் பரிசீலிக்கப்பட வேண்டும். நிறுவனங்கள் ரேட்டிங் செய்யப்பட்டிருக்க வேண்டும் என்கிற கட்டாயம் இல்லை. அவ்வாறு ரேட்டிங் செய்யப்பட்டிருந்தாலும் அது வெளியிடப்படுவது நிறுவனத்திடம் தான் உள்ளது. எனினும் நல்ல ரேட்டிங் உள்ள கம்பெனிகள் மக்களிடம் எளிதில் டெபாஸிட்களை பெற்றுவிடலாம்” என்கிறார் எஸ்விசி வங்கி வர்த்தக தலைவர் ராகேஷ் சிங்.

வங்கி மற்றும் கார்ப்பரேட் நிரந்தர வைப்புகளில் உள்ள சிக்கல்கள்:

வங்கி நிரந்தர வைப்புகள் 1 லட்சம் வரையிலும் ரிசர்வ் வங்கியால் பாதுகாப்பட்டது. அதாவது ஒவ்வொரு வைப்புத் தொகையாளரும் ஒரு வங்கி திவால் ஆகிவிட்டாலோ, அல்லது பணத்தை திரும்ப செலுத்தாவிட்டாலோ இந்த 1 லட்சம் ரூபாய் பெறுவர்.

எனினும் கார்ப்பரேட் நிரந்தர வைப்புகள் இதுபோன்ற பாதுகாப்புகள் அளிப்பதில்லை. நிறுவனம் பெரிய இழப்புகளை சந்திக்கலாம் அல்லது நிதிப் பற்றாக்குறை ஏற்படலாம். இவை வட்டிகளை பாதித்து, முழுமையான பணத்தை திரும்பவும் அளிக்காமலும் கூட செல்லலாம். அதனால் தான் கார்ப்பரேட் நிரந்தர வைப்பு ஆபத்து நிறைந்தது. இந்த ஆபத்தைப் போக்க தான் நிறுவனங்கள், வங்கிகளை விட அதிக வட்டி விகிதங்கள் தருகின்றன. ஆபத்து அதிகம் இருந்தால், வட்டி விகிதமும் அதிகமாகும்.

“கார்ப்பரேட் நிரந்தர வைப்புகள் வங்கி நிரந்தர வைப்புகளைவிட க்ரெடிட் ரேட்டிங் மற்றும் அதிக வட்டி விகிதங்கள் வழங்குகின்றன. ஆனால் வாடிக்கையாளர்கள் அதிக ரேட்டிங் உள்ள நிறுவனத்தில் முதலீடு செய்கிறார்கள் என்பதை உறுதி செய்ய வேண்டும்” என்கிறார் ஃபைனான்ஸ்.காம் நிறுவனர் தினேஷ் ரோஹிரா.

வங்கி மற்றும் கார்ப்பரேட் நிரந்தர வைப்புகளில் மீதான வரிவிதிப்பு:

வங்கி நிரந்தர வைப்பு ஐந்து முதல் பத்து ஆண்டுகள் வரை லாக்கின் பீரியடில் வருமான வரிச் சட்டம் 80சி பிரிவின் கீழ் வருமான வரி சலுகை வழங்குகின்றன. எனினும் இவை லாக்கின் பீரியட் முன்பாக திரும்பப் பெற்றுக்கொள்ள முடியாது. முன்கூட்டியே பணம் எடுத்துக்கொள்ளும் வசதி உள்ள கணக்குகள் வரிச் சலுகைகள் அளிப்பதில்லை. வங்கி நிரந்தர வைப்பு வட்டிகளில் வரும் வருமானம் ஆண்டிற்கு பத்தாயிரத்தை தாண்டினால் வங்கிகளில் நிதி ஆதாரத்திலே வருமான வரி பிடித்துக் கொள்கின்றன.

கார்ப்பரேட் நிரந்தர வைப்பு வட்டி வருமானம் ஆண்டொன்றிற்கு 5000 ரூபாயை தாண்டினால் நிதி ஆதாரத்தில் வருமான வரி பிடித்துக் கொள்கின்றன. இந்த வைப்பில் எந்த ஆதார வருமானமும் இல்லை.

“வங்கி நிரந்தர வைப்புகள் வரி சேமிப்பு முறையாக பரிந்துரைக்கப்படுகின்றன. இவை ஐந்து ஆண்டு கால லாக்கின் பீரியடில், வரி செலுத்துபவர்களுக்கு 80சி பிரிவின் பயனைத் தருகின்றன” என்கிறார் க்ளியர் டாக்ஸ் நிறுவனர் ஆர்சித் குப்தா.

 Bank fixed depositCorporate fixed deposit
Offered byBankCorporate Company
Rate of interestAverageHigh
Tenure periodRanges from months to years6 months to 3 years
Risk involvedLowHigh
Medium of investmentCertificate of depositCertificate of deposit

“அனைத்து நிரந்தர வைப்புகளும் (வங்கிகளும் சேர்த்து) நபரின் அதிகபட்ச வருமான வரம்பில் வரி விதிக்கப்படுகின்றன” என்கிறார் மின்ட்ஜிப் தலைமைச் செயல் அதிகாரி பாரத் ராவுரி. எனவே எந்த ரிட்டர்ன்களுக்கும் வரி செலுத்தியே ஆக வேண்டும்.

வங்கி மற்றும் கார்ப்பரேட் நிரந்தர வைப்புகளின் மீது முன்கூட்டியே பணம் எடுப்பது:

ஒரு வங்கி, நிரந்தர முதலீடு பெறப்பட்ட வட்டி விகிதத்தில் 2% அபராதமாக செலுத்திவிட்டு திரும்பப் பெற்றுக்கொள்ளலாம்

சில கார்ப்பரேட் நிரந்தர வைப்புகள் மூன்று முதல் ஆறு மாத காலம் வரை முன்கூட்டியே பணம் எடுக்கும் வசதியை தருவதில்லை. அவ்வாறு முன்கூட்டியே எடுத்துவிட்டால் டெபாசிட்டிற்கு வட்டி வராது. ஆறு முதல் பன்னிரெண்டு மாதங்களுக்கு பிறகு எடுக்கப்படும் பணத்திற்கு சில நிறுவனங்கள் வழங்கப்பட்ட வட்டி விகிதத்திலிருந்து 2-3% வரை பிடித்தம் செய்து கொள்கின்றன.

எது நம்முடைய தேர்வாக இருக்க வேண்டும்? வங்கி நிரந்தர வைப்பா அல்லது கார்ப்பரேட் நிரந்தர வைப்பா?

“நீண்ட கால கார்ப்பரேட் வைப்பில் முதலீடு செய்வதை விட குறுகிய கால நிரந்தர வைப்பில் முதலீடு செய்வது சிறந்த வழியாக இருக்கும். ஒரு நிறுவனத்தின் வர்த்தக சுழற்சி நீண்ட காலத்திற்கு எவ்வாறு இருக்கும் என்று ஒருவரால் சொல்ல முடியாது. ஆதலால் குறுகிய கால வைப்புகளில் முதலீடு செய்வது சிறந்த வழியாக இருக்கும். எனினும் ஒருவர் அதிகம் அறியாத நிறுவனத்தில் முதலீடு செய்வதை தவிர்க்க வேண்டும்... ஒரு கார்ப்பரேட் நிரந்தர வைப்பில் முதலீடு செய்து அதிக வட்டி விகிதத்தில் லாபம் பெற ஆழமான ஆராய்ச்சி தேவை” என்கிறார் திரு சிங்.

திரு ரவூரி அவர்கள் கூறுகையில், நிரந்தர வைப்பில் முதலீடு செய்ய முடிவு செய்தீர்களென்றால், சம்பாதிக்காத குடும்ப நபரின் பெயரில் முதலீடு செய்வது செய்வது வரிக் கணக்குகளை மேற்கொள்வதற்கு எளிது என்கிறார்.


Get Breaking news, live coverage, and Latest News from India and around the world on NDTV.com. Catch all the Live TV action on NDTV 24x7 and NDTV India. Like us on Facebook or follow us on Twitter and Instagram for latest news and live news updates.

NDTV Beeps - your daily newsletter

................................ Advertisement ................................

................................ Advertisement ................................

................................ Advertisement ................................

Top